Ўзбекистон Республикаси Президентининг 2021 йил 9 августдаги “Етим болалар ва ота-она қармоғидан маҳрум бўлган болаларни тарбиялашнинг тубдан янгиланган тизимини жорий этиш чора-тадбирлари тўғрисида”ги ПҚ-5215- сонли қарори билан тасдиқланган “Йўл харитаси”нинг 15-бандида ўқув тарбия муассасалари тарбияланувчиларини ҳар ойда камида икки маротаба театр, концерт ва музейларга ташриф буюришини ҳамда саньат усталарининг, таниқли ёзувчи ва адибларнинг “Меҳрибонлик”уйлари ва Болалар шаҳарчаларига келиб, маданий ва маърифий тадбирлар ўтказишни ташкил этиш белгилаб қўйилган.
Ўзбекистон касаба уюшмалари Федерациясининг Тошкент шаҳар Кенгаши томонидан жорий йилнинг 5 февраль куни ташкил этилган Ўзбекистон SOS болалар маҳаллалари уюшмаси Тошкент филиалининг 40 нафар тарбияланувчилари Ўзбекистон Давлат ёш томошабинлар театрига “Олтин тарвуз” спектаклига ташрифлари уюштирилди. Ўтказилган тадбирда тарбияланувчилар маданий хордиқ чиқариб, уларнинг кўнгли кўтарилиб, илмли, билимли бўлиб улғайишларига яна бир замин яратилди.
Фарзандлар учун юқорида ўтказилаётган тадбирлар, театр, концерт, музейларга ташрифлар Ўзбекистон касаба уюшмалари Федерациясининг Тошкент шаҳар Кенгаши томонидан мунтазам равишда ўтказилиши назоратга олинган.
Сообщить об опечатке
Текст, который будет отправлен нашим редакторам: