Previous Next

Меҳр-шафқат ва саховат — жамиятни бирлаштирадиган энг улуғ қадриятлардан бири. Айниқса, оғир касаллик билан курашаётган болаларни қўллаб-қувватлаш ҳар биримиз учун муҳим инсонпарварлик бурчидир.

27 февраль куни Ўзбекистон касаба уюшмалари Федерацияси Тошкент шаҳар Кенгаши ҳамда Ўзбекистон таълим ва фан ходимлари касаба уюшмаси Тошкент шаҳар бўлинмаси ташаббуси билан “Болалар онкологияси, гематологияси ва иммунологияси илмий-амалий тиббиёт маркази”да “Юракдан чиққан ёрдам – шифо сари қадам!” шиори остида хайрия тадбири ўтказилди.

Тадбирдан кўзланган асосий мақсад — саратон касаллиги билан курашаётган болаларни қўллаб-қувватлаш, уларга меҳр ва эътибор кўрсатишдан иборат бўлди.

Хайрия тадбири давомида болаларга кундалик эҳтиёжлари учун зарур буюмлар, тиббий анжомлар ҳамда болажонлар қалбига қувонч бағишловчи совғалар топширилди. Бу нафақат моддий ёрдам, балки болаларнинг руҳиятини кўтаришга хизмат қилувчи муҳим маънавий қўллаб-қувватлаш бўлди.

Маълумки, саратон касаллиги нафақат болалар, балки уларнинг оилалари учун ҳам катта синов ҳисобланади. Шу боис бундай ташаббуслар жамиятда меҳр-оқибат ва ҳамжиҳатлик муҳитини янада мустаҳкамлайди.

Энг муҳими, бундай хайрия тадбирлари болаларга бир нарсани ҳис қилдирaди:
улар ёлғиз эмас.

Чунки ҳар бир бола — бахтли болалик ва ёруғ келажакка лойиқ.